معليش يازعيمنا يازعيـــــم الأندية

معليش يازعيم يازعيمنـا انـت الأجمـل=معلـيـش يازعيـمـنـا يـازعـيـم الأنـديــه
يوم اخفقت وطحـت مـن المركـز الأول=تـراهـا كــل ابـوهـا دعـــوى سـعـوديـه
معليش يالزعيم على ما جرى وحصـل=راح الـكـاس واعتـبـره للنـصـر هـديـه
صحيح قالوا الجزاء من جنـس العمـل=لاكـن المكتـوب غصـب عليـك وعلـيـه
تاريـخ حـافـل بالـفـوز مــن دون جــدل=يشهـد لـك المنتـخـب برجـالـك الوفـيـه
واصل المسيرة من دون ضعف وكسل=بالإصرار والعزيمـه والجـدارة والنيـه
واصل المسيره من دون خوف وخجـل=واحسبهـا صـح وحذهـا شــوي شـويـه
وتمـسـك فــي حـبـل الـرجـاء والأمـــل=ون فاتتك وقت الضحا مافاتتـك عشيـه
قـالـوا هــذي غلـطـة كوزمـيـن الخـبـل=ليش يخلي الرموز في الحـرب مخفيـه
قلـت نعـم هـذي غلطـة مــن دون زلــل=غـلـطــه لاكـنــهــا غـلــطــه حـرافــيــه
ياجمهور احسبوها بعين صواب وعقل=الـهــلال بـيـحـبـك الـخـلـطـه الـسـريــه
بيـجـيـب غـيـرهـا ويـاخـذهــا و بــدبــل=وتحقق احلام الهلال ويكسـب القضيـه
اللعيبه ماقصروا ما فيهـم واحـد همـل=لاكـن التوفيـق بـيـد ربـكـم رب البـريـه
لابـد يومـن يبيـن الصاحـي مـن الخبـل=على النصر واعوانه يـوم وقعـه رديـه
بـقـيـادة الشـلـهـوب وعـزيــز والـبـطـل=ياسـر والـي جـاء مـن الارض الليبيـه
هـد الوضـع يازعيـم مــا ينـهـز الجـبـل=هـــذا حـــال الـكــورة وحـــال الأنـديــه